सेन वंशको इतिहास २०८३

नेपाली इतिहासको अध्ययनमा मध्यकालीन तथा आधुनिक कालको संधिकालमा महत्त्वपूर्ण प्रभाव पार्ने राजवंशहरूमध्ये सेन वंश एक प्रमुख राजवंश हो। प्रस्तुत पुस्तक “नेपालमा सेन वंशको इतिहास” ले नेपालको राजनीतिक, सामाजिक, आर्थिक र सांस्कृतिक इतिहासमा सेन राजाहरूले पुर्याएको योगदानको गहिरो र प्रामाणिक विश्लेषण प्रस्तुत गरेको छ। यस ग्रन्थमा सेन वंशको पुर्ख्यौली पृष्ठभूमि, नेपालमा उनीहरूको आगमन, र भौगोलिक विस्तारका पाटालाई वैज्ञानिक अनुसन्धान पद्धतिका आधारमा उजागर गरिएको छ।

पुस्तकमा मकवानपुर, विजयपुर, चौदण्डी र पाल्पा जस्ता शक्तिशाली सेन गढहरूको स्थापना, तिनका राजनीतिक तथा सैनिक रणनीतिहरू, र काठमाडौँ उपत्यका तथा छिमेकी राज्यहरूसँगको अन्तरसम्बन्धलाई विस्तृत रूपमा समेटिएको छ। बाइसी र चौबिसी राज्यहरूको महासंघमा सेन राजवंशको भूमिका, रणनीतिक गठबन्धनहरू, र क्षेत्रीय द्वन्द्वहरूको ऐतिहासिक फेरिहरूसँगै यसले सेन कालीन शासन प्रणाली, न्याय तथा कर प्रणाली, समाज, अर्थतन्त्र, र पूर्वाधार निर्माणका पक्षलाई स्पष्ट पार्छ।

विशेष गरी धर्म, कला, वास्तुकला र साहित्यको संरक्षणमा सेन राजाहरूले खेलेको भूमिकाले यस कालखण्डको सांस्कृतिक वैभवलाई झल्काउँछ। अन्त्यतिर, गोरखा राज्यसँगको द्वन्द्व, बाइसी–चौबिसी राज्यहरूको पतन र आधुनिक नेपाल निर्माणको प्रक्रियामा सेन वंशको सुदूरगामी विरासतलाई विश्लेषणात्मक ढङ्गले प्रस्तुत गरिएको छ। यो पुस्तक इतिहासका अनुसन्धानकर्ता, विद्यार्थी र पाठकहरूका लागि एक अमूल्य ऐतिहासिक दस्तावेज बन्ने अपेक्षा गरिएको छ।