Category Archives: Audio Album-2 Hami Pahile Nepali

Lyricist- Nawa Raj Subba

Sabai Bhanda Dherai

६) सबैभन्दा धेरै

सबैभन्दा धेरै मलाई देशको माया लाग्छ
मेरा सन्तान भनी रुने देशको माया लाग्छ ।

प्रकृतिले बनाइदिए तराई पहाड हिमाल
सुन्दरताको नाना खानी यही“ नै छ विशाल
परिश्रमी हात मिलाइ जुट्न मन लाग्छ
सबैजना मिलिजुली हिंड्न मन लाग्छ ।

म त जान्न परदेश गाउ“घर बिर्सी
जन्मिएको हुर्किएको देशबाट उठी
यो देशलाई झिलिमिली बनाउने मन छ
अठोटलाई व्यवहारमा देखाउने मन छ ।
(गीत रचनाकार- नवराज सुब्बा, संगीत- शक्ति बल्लभ, गायक- सुमित खड्का, एल्बम- हामी पहिले नेपाली) download

Aamaako Geet

Lyricist- Nawa Raj Subba, Music- Shakti Ballav, Singer- Sumit Khadka

(५) आमाको गीत

अरुको लाख आमाको काख कसरी खोसियोे
जलेझैं भयो मनमा आगो कसरी झोसियो ।

यो मनमै बस नबस बनमा न काँढामा
फिँजाएँ छाती आएर बस नजाऊ डाँडामा ।

मलाई यो के भो आमाको मन बुझ्न सकिन
उनको पीरको थाप्लोको नाम्लो बोक्न सकिन ।
(गीत रचनाकार- नवराज सुब्बा, संगीत- शक्ति बल्लभ, गायक- सुमित खड्का, एल्बम- हामी पहिले नेपाली) download

Janmiun Hami Nepalma

Lyricist- Nawa Raj Subba, Music- Shakti Ballav, Singer- Sumit Khadka

(४) जन्मियौं हामी नेपालमा

जन्मियौं हामी नेपालमा, नेपालमैं बाँच्न पाऊँ
बाँचुञ्जेल हामी नेपाली, नेपाली भई मर्न पाऊँ ।

यी आँखा, मन उघ्रन्छन् हिमाल हाँसेको देखे
बलिया बन्छन् यी पाउ पहाड पाखालाई टेके
सभ्यता, समृद्धि मौैलाउने यो मधेशमा रमाऔं
बाँचुञ्जेल हामी नेपाली, नेपाली भई मर्न पाऊँ ।

आमाको छाया, मायामा, देशभक्तिमा रमाऔं
सम्मान गरौं पहिचान एकतालाई बचाऔं
नेपालीपनले बचाउँछ जहाँ तहाँ हामी जाऔं
बाँचुञ्जेल हामी नेपाली, नेपाली भई मर्न पाऊँ ।
(गीत रचनाकार- नवराज सुब्बा, संगीत- शक्ति बल्लभ, गायक- सुमित खड्का, एल्बम- हामी पहिले नेपाली) download

Junai Akash

Lyricist- Nawa Raj Subba, Music- Shakti Ballav, Singer- Sumit Khadka

(३) जुनै आकाश मुनि

जुनै आकाशमुनि म हिमाली छाया देख्छु
जहाँ पुगे’नी छाम्दा नेपाली माया भेट्छु ।

हामीलाई चिनाउने पुर्खाको वीरता छ
आफूलाई सम्झाउने माटोको ममता छ
बाडुली लाग्दा खेरि म तिमीलाई सम्झन्छु
जहाँ पुगेनी छाम्दा नेपाली माया भेट्छु ।

सात समुन्द्र तरें अनगिन्ति रात गनें
घर फर्कने त्यो दिन नखोसि देऊ भनें
जता पुगे’नी सगरमाथाकै छाया देख्छु
जहाँ पुगेनी छाम्दा नेपाली माया भेट्छु ।
गीत रचनाकार- नवराज सुब्बा, संगीत- शक्ति बल्लभ, गायक- सुमित खड्का, एल्बम- हामी पहिले नेपाली) download

Ekata Geet

Lyricist- Nawa Raj Subba, Music- Shakti Ballav, Singer- Sumit Khadka

(२) एकताको गीत

गीत गाऔं एकताको
गीत गाऔं वीरताको
हे ! पराक्रमी नेपाली
लौ नाचौं राष्ट्रियताको ।

स्वतन्त्रता हाम्रो गीत
जनताको सदा जीत
जोगाउछौं हाम्रो हित
कर्मसित राम्रो प्रीत ।

अनेकतामा एकता
भावनामा पवित्रता
पहिचान विविधता
उर्बरता सुन्दरता ।
(गीत रचनाकार- नवराज सुब्बा, संगीत- शक्ति बल्लभ, गायक- सुमित खड्का, एल्बम- हामी पहिले नेपाली)
download

Hami Pahile Nepali

Lyricist- Nawa Raj Subba, Music- Shakti Ballav, Singer- Sumit Khadka

(१) हामी पहिले नेपाली…

हामी पहिले नेपाली अनि मात्र अरू
देश टुक्रिन दिदैनौं ज्यान दिन्छौं बरु ।

नेपाली चिनाउँने हिमाल सगरमाथा
अरनीको कला र गोर्खाली वीरगाथा
अखण्ड यो भूखण्ड हो यही स्वाभिमान
फुट्नलाई हैन जुट्नलाई गरौं बलिदान ।

माघीनाच, धाननाच, सिरुवा अनि रोदी
झाँगडनाच, देउडा, झिंन्झिया हुन् ढुकढुकी
हामीलाई बचाउने संस्कृति छ महान
फुट्नलाई हैन जुट्नलाई गरौं बलिदान ।

(गीत रचनाकार- नवराज सुब्बा, संगीत- शक्ति बल्लभ, गायक- सुमित खड्का, एल्बम- हामी पहिले नेपाली) download