असार १५ डायरी
धान र संविधानमा के फरक छ ? धान ठूलो कि संविधान ? धान पहिले उम्रेको हो कि संविधान पहिले टुसाएको ? यस्तै अर्थ न बर्थका तर्कवितर्क मात्र मनमा आइरहन्छ किन ? आज असार १५ का दिन बाँदरथुम्कीमा बसेर रोपाइँ हेर्दा बढी मजा आउँछ कि सभाहलमा संविधान बनाउँदा देखिएको रमिता हेर्दा गजब देखिन्छ ? पहाडमा गाउँ नै पहिरोले बगाएको होस् वा मधेशमा सप्तकोशी फुटेर बस्ती बगाएको दृष्य होस् यी मध्ये कुन बढी दुःखदायी छन् ? सायद प्रश्नै पो गर्न जानिन कि वा उत्तरै खोज्न पो जानिन, यत्तिकै अल्मलिएको छु म त, आफ्नो देशैभित्र ।